( དབྱིན་ཇིའི་སྦི་སྦི་སི་གསར་ཁང་ལྟར་ན། ད་ལོའི་ཕྱི་ཟླ་ 10 ཚེས་ 10 ཉིན་ནས་ཨེ་ཛི་རལ་དང་། ཧཱ་མ་སི་དྲག་དཔུང་བར་མེ་མཚམས་བཞག་ཟིན་ནའང་། དུས་དེ་ནས་ད་ལྟ་བར་ཨེ་ཛི་རལ་གྱི་དམག་དཔུང་གིས། གྷ་ཛ་ས་ཁུལ་གྱི་ཁང་བརྩེགས་གྲངས་ 1,500 ལས་མང་བ་གཏོར་ཟིན་པ། མཁའ་དབྱིངས་ནས་བླངས་པའི་པར་ལས་གསལ་བོར་གྱུར་ཟིན་པ་དང་། དོན་དངོས་སུ་གྲངས་ཀ་དེ་ལས་ཧ་ཅང་མང་བ་ཡིན་པ་བཤད།)
ཡིན་ན་ཡང་ཨེ་ཛི་རལ་གྱིས། ང་ཚོས་གྲོས་མཐུན་ལྟར་ཧཱ་མ་སི་དྲག་དཔུང་གི་ས་འོག་དོང་ལམ་སོགས། དྲག་སྤྱོད་སྤེལ་སའི་བསྟི་གནས་དག་གཏོར་ནས། གྷ་ཛ་ས་ཁུལ་གྱི་དྲག་སྤྱོད་ཀྱི་རྒྱུན་གཅོད་ཀྱི་ཡོད་ཅེས་བཤད།
•. ཨ་རིས། གྷ་ཛ་ས་ཁུལ་གྱི་ཐག་ཉེར་དམག་དོན་བསྟི་གནས་ཆེན་པོ་ཞིག་རྒྱག་རྒྱུ་ཡིན་པ་དང་། དེའི་ཆེད་འགྲོ་གྲོན་ཨ་སྒོར་ས་ཡ་ $500 གཏོང་རྒྱུ་ཡིན་པའི་གནས་ཚུལ་ཐོན། དེ་དང་ལྷན་བྷི་ལུམ་བྷར་གྷི་སྟེང་གནས་ཚུལ་བཀོད་པ་ལྟར་ན། ད་ལྟ་ཨ་རིས་གྷ་ཛའི་ཐག་ཉེར་དམག་མི་ཁྲི་ 1 འཇོག་སའི་རྟེན་གཞི་ཞིག་རྒྱག་རྒྱུར་བསམ་བློ་གཏོང་བཞིན་པ་དང་། གྷ་ཛ་ས་ཁུལ་དུ་མེ་མཚམས་བཞག་ཡོད་པ་འདིར། དམག་དཔུང་འདིས་བརྟག་ཞིབ་དང་སྲུང་སྐྱོབ་བྱ་རྒྱུ་ཡིན་པ་བཤད། ད་ལྟ་ཨེ་ཛི་རལ་དུ། ཨ་རིའི་དམག་མི་ 300 ཡས་མས་ཤིག་སླེབས་ཟིན་པ་དང་། ཁོ་ཚོ་གྷ་ཛ་ས་ཁུལ་དུ་ཕྱིན་མེད།
•. སླར་ཡང་ཨེ་ཛི་རལ་དང་ལེ་བྷོ་ནོན་གྱི་ཧེ་ཛི་བྷོ་ལ་དྲག་དཔུང་བར་གྱི་གནས་སྟངས་སྡུག་ཏུ་འགྲོ་བཞིན་པ་དང་། ཨ་རི་དང་ཨེ་ཛི་རལ་གཉིས་ཀྱིས། ཧེ་ཛི་བྷོ་ལ་དྲག་དཔུང་གིས་གོ་ལག་ཐང་ལ་འཇོག་རྒྱུའི་དགོས་འདུན་འདོན་བཞིན་པ་ལྟར། ཁ་སང་ཧེ་ཛི་བྷོ་ལ་དྲག་དཔུང་གི་དབུ་ཁྲིད།ཤི་ཁི་ནམ་ ཁཱ་སེམ་(Sheikh Naim Qassem)གྱིས། དགོས་འདུན་འདི་ནི་ཨ་རི་དང་། ཨེ་ཛི་རལ་གཉིས་ཀྱིས་ལེ་བྷ་ནོན་ལ་ཚུར་རྒོལ་བྱ་ཆེད་ཁག་འཇོག་ས་ཙམ་ཞིག་རེད། ང་ཚོའི་གོ་ལག་ནི་ང་ཚོའི་ནུས་སྟོབས་རེད་ཅེས། གོ་ལག་ཐང་ལ་འཇོག་རྒྱུ་མིན་པ་བསྒྲགས།