བདུན་ཕྲག་སྔོན་མར་ཨ་རིའི་འཕྲུལ་ལག་ཁེ་གཉེར་ཆེན་པོ་ཨིན་ཝེ་སྒྲི་ཡ་(Nvidia)ཡིས། རང་གི་འཆར་ཅན་གྱི་དཔལ་འབྱོར་ཡོང་སྒོའི་སྙན་ཐོ་ཕྱིར་བཏོན། ཁོ་ཚོའི་ཡོང་སྒོའི་སྙན་ཐོ་ལྟར་ན་ད་ལོའི་ཕྱི་ཟླ་ 7 ནས་ཕྱི་ཟླ་ 9 བར་གྱི་ཡོང་སྒོ་དེ། དེའི་སྔོན་གྱི་ཟླ་བ་ 3 དང་བསྡུར་ན་བརྒྱ་ཆ་ 62% ཡར་འཕར།
འདས་པའི་ཟླ་བ་འགའི་རིང་ཨ་རིའི་ཁེ་གཉེར་ཆེན་པོ་དག་གཙོས།འཛམ་གླིང་གི་འཕྲུལ་རིག་ཁེ་གཉེར་ཆེན་པོ་མང་པོས། བཅོས་མའི་རིག་པ་ཡར་རྒྱས་དང་། ཞིབ་འཇུག་ཆེད་གློག་ཁང་དང་གནས་ཚུལ་བསྟི་གནས་སོགས། འཛུགས་སྐྲུན་སོགས་ཀྱི་ཐད་ཨ་སྒོར་ཐེར་འབུམ་བརྒྱ་ཕྲག་མང་པོའི་མ་རྐང་ཤུགས་ཆེན་བཞག་ཅིང་། དེ་དང་མཐུན་པའི་ཁེ་ཕན་ཞིག་རེ་ཞིག་མིག་གིས་མཐོང་རྒྱུ་མེད་པས། རེ་བ་གསར་བ་ཞིག་གིས་འདི་ལྟར་མ་འོངས་པའི་ཆེད། མ་རྐང་ཤུགས་ཆེན་འཇོག་བཞིན་པར་རྒྱལ་སྤྱིའི་དཔལ་འབྱོར་ཆེད་མཁས་པ་མང་པོར་སེམས་ཁྲལ་བསླངས།
འདིས་དྲྭ་རྒྱ་ཐོག་མར་དར་སྐབས་ཀྱི་དཔལ་འབྱོར་ཆག་སྒོ་ལྟར། རྒྱལ་སྤྱིའི་དཔལ་འབྱོར་ལ་ཆག་སྒོ་ཞིག་བསློང་སྲིད་པའི་བློ་དོགས་བྱེད།བདུན་ཕྲག་སྔོན་མར་ཨ་རིའི་འཕྲུལ་ལག་ཁེ་གཉེར་ཆེན་པོ་ཨིན་ཝེ་སྒྲི་ཡ་(Nvidia)ཡིས། རང་གི་འཆར་ཅན་གྱི་དཔལ་འབྱོར་ཡོང་སྒོའི་སྙན་ཐོ་ཕྱིར་བཏོན། ཁོ་ཚོའི་ཡོང་སྒོའི་སྙན་ཐོ་ལྟར་ན་ད་ལོའི་ཕྱི་ཟླ་ 7 ནས་ཕྱི་ཟླ་ 9 བར་གྱི་ཡོང་སྒོ་དེ། དེའི་སྔོན་གྱི་ཟླ་བ་ 3 དང་བསྡུར་ན་བརྒྱ་ཆ་ 62% ཡར་འཕར་ཅིང་། ཨ་སྒོར་ཐེར་འབུམ་ $57 ཐོབ་པས་གནས་ཚུལ་འདིས་གོང་གི་སེམས་ཁྲལ་འདི་རེ་ཞིག་ཆུང་དུ་བཏང་།
དེ་བཞིན་ཕྱི་ཟླ་ 10 ནས་ཕྱི་ཟླ་ 12 བར་ཏེ། ལོ་མཇུག་ཟླ་བ་ 3 གྱི་རིང་གི་ཡོང་སྒོ་དེ་ཨ་སྒོར་ཐེར་འབུམ་ 65% ལ་འབུད་རྒྱུ་སྔོན་དཔག་བྱས། འདི་ནི་བཅོས་མའི་རིག་པའི་ཁྲོད་མ་རྐང་ཤུགས་ཆེན་འཇོག་མཁན་ཚོར་རེ་ཞིག་སེམས་ལྷོད་ལ་འབབ་བྱེད་ཆེན་པོ་ཞིག་ཏུ་གྱུར། དེའི་རྒྱུ་མཚན་ནི་ཁེ་གཉེར་ཆེན་པོ་འདིས་འཕྲུལ་ལག་ཕྲ་མོའི་རིགས་འཚོང་བཞིན་པ་དང་། ཁོ་ཚོའི་ཐོན་རྫས་ཁྲོམ་རར་བྲིན་བཞིན་པ་དེའི་དོན་ནི། བཅོས་མའི་རིག་པའི་ཐད་མུ་མཐུད་དུ་ཡར་རྒྱས་ཡོད་པ་སྟོན་བཞིན་ཡོད་པས་རེད།