ང་ལ་འགྱོད་པ་གང་ཡང་མེད། འདས་པའི་ལོ་ 27 ནང་ངས་གང་ཡང་རག་མ་སོང་། ཡིན་ན་ཡང་། ལོ་འདི་དག་ནི་ཧ་ཅང་ཡག་པོ་བྱུང་ཞེས་བཤད།
དབྱིན་ཇིའི་མི་སེར་ཡིན་པ། མིང་ལ་ཁར་ བྷུ་ཤི་བྷེ་(Karl Bushby)
ཞེས་པའི་སྐྱེས་པ་ཞིག་གིས། ཕྱི་ལོ་ 1998 ལོ་ནས་ལྷོ་ཨ་མེ་རི་ཀའི་ཅི་ལི་རྒྱལ་ཁབ་ནས། འཛམ་གླིང་ལ་རྐང་ཐང་གིས་རྒྱང་བསྐྱོད་བྱ་རྒྱུའི་འགོ་བཙུགས། ཕྱི་ལོ་ 2002 ཟླ་ 4 ནང་ཁོ་ཨ་རིའི་རྒྱལ་མཚམས་སུ་སླེབས་ཤིང་། ཕྱི་ལོ་ 2006 ལོར་རཱ་ཤི་ཡའི་ཤར་ཕྱོགས་ས་མཚམས་སུ་སླེབས། ཕྱི་ལོ་ 2019 ལོར་ཁོ་རང་དཀྱིལ་ཤར་དུ་སླེབས།
ད་ལྟ་ཁོ་གཞི་ནས་ཁོ་ཡུ་རོབ་ཀྱི་ཧང་གྷི་རིར་སླེབས་ཟིན་པ་དང་། དབྱིན་ཡུལ་གྱི་རང་ཁྱིམ་དུ་སླེབས་རྒྱུར་སྤྱི་ལེ་ 3,218 ཡས་མས་ལས་མེད་པ་བཤད། འདས་པའི་ལོ་ངོ་ 27 རིང་བྱེ་ཐང་དང་གངས་རི། ནགས་ཚལ་སོགས་བརྒལ་ནས་སྤྱི་ལེ་ 47,000 ལ་རྐང་ཐང་ཕྱིན་ཟིན། ཁོས་ཨ་རིའི་སི་བྷི་ཨེ་སི་གསར་ཁང་ལ། ང་ལ་འགྱོད་པ་གང་ཡང་མེད། འདས་པའི་ལོ་ 27 ནང་ངས་གང་ཡང་རག་མ་སོང་། ཡིན་ན་ཡང་། ལོ་འདི་དག་ནི་ཧ་ཅང་ཡག་པོ་བྱུང་ཞེས་བཤད།
ད་དུང་ཁོས། འཇིགས་སྣང་མ་བྱེད། ཉལ་ཁྲི་ནས་ལངས་ཏེ་རང་གི་མངོན་འདོད་མངོན་གྱུར་བྱུང་དུ་ཆུགས། གོམ་པ་དང་པོ་སྤོས་པས་གོ་སྐབས་ཀྱི་་སྒོ་མོ་འབྱེད་ངེས་ཡིན་ཞེས་བཤད། ཁོའི་རྒྱང་བསྐྱོད་འདིའི་མིང་ལ་(Goliath Expedition)ཞེས་འབོད་ཅིང་། ཕྱི་ལོ་ 2027 ལོའི་མཇུག་ཏུ་ཁོ་རང་ཁྱིམ་དུ་སླེབས་རྒྱུ་ཡིན་པ་ཚོད་དཔག་བྱེད། ད་ལྟ་བར་འཛམ་གླིང་ཧྲིལ་བོ་རྐང་ཐང་གིས་བསྐོར་བ་བརྒྱབས་ཟིན་མཁན་ཞིག་མེད་པ་བཤད།