ཨ་རིའི་རྒྱལ་ས་ཝ་ཤིན་ཀྲོན་གྱི་ཕོ་བྲང་དཀར་པོའི་ཐག་ཉེར། མི་ཞིག་གིས་མེ་མདའ་འཕངས་ཤིང་། དེར་ཡོད་པའི་རྒྱལ་སྲུང་དམག་མི་ 2 ལ་རྨས་སྐྱོབ་ཚབས་ཆེན་བཟོས། དེ་རིང་གནས་ཚུལ་ཐོན་པ་ལྟར་ན། བདེ་སྲུང་མི་སྣ་གཅིག་རྐྱེན་འདས་སུ་ཕྱིན་ཟིན་པ་བཤད།
གཟའ་ལྷག་པའི་ཉིན། ཨ་རིའི་རྒྱལ་ས་ཝ་ཤིན་ཀྲོན་གྱི་ཕོ་བྲང་དཀར་པོའི་ཐག་ཉེར། མི་ཞིག་གིས་མེ་མདའ་འཕངས་ཤིང་། དེར་ཡོད་པའི་རྒྱལ་སྲུང་དམག་མི་ 2 ལ་རྨས་སྐྱོབ་ཚབས་ཆེན་བཟོས། དེ་རིང་གནས་ཚུལ་ཐོན་པ་ལྟར་ན། བདེ་སྲུང་མི་སྣ་གཅིག་རྐྱེན་འདས་སུ་ཕྱིན་ཟིན་པ་བཤད། དེ་དང་ལྷན་དོགས་ཡོད་མི་སྣ་ཞིག་བཟུང་ཞིང་། དེ་ནི་ཕྱི་ལོ་ 2021 ལོར་ཨ་རིའི་རྒྱལ་ནང་དུ་ཡོང་བ་ཞིག་དང་། ད་ལྟ་ལོ་ན་ 29 ཡིན་པའི་ཨ་ཧྥི་གྷན་གྱི་མི་ཞིག་ཡིན་པ་གསལ།
མི་འདིས་སྔར་ཨ་ཧྥི་གྷན་དུ་ཨ་རིའི་གསང་བའི་ལས་ཁུངས་དང་ལྷན་ལས་ཀའང་བྱས་ཡོད་པའི་གནས་ཚུལ་ཐོན། དེ་མ་ཐག་ཨ་རིས། ཨ་ཧྥེ་གྷན་ནས་ཡོང་བའི་སྐྱབས་བཅོལ་བ་དག་དང་འབྲེལ་བའི་ལས་གཞི་དག་མཚམས་བཞག སྒྲོ་ནལ་ཁྲི་རམ་ཕུས་རྒྱལ་སའི་མངའ་ཁུལ་དུ་རྒྱལ་སྲུང་དམག་དཔུང་འགྲེམས་འཇོག་བྱས་ཡོད་པ་ལྟར། དོན་རྐྱེན་འདི་བྱུང་རྗེས་སྔར་གྱི་དམག་སྡེའི་སྟེང་། ད་དུང་ཡང་དམག་མི་ 500 འཁྲིད་ཡོང་རྒྱུ་ཡིན་པའི་གནས་ཚུལ་ཐོན།
སྒྲོ་ནལ་ཁྲི་རམ་ཕུ་སྲིད་གཞུང་གིས། རྒྱལ་ས་ཝ་ཤིན་ཀྲོན་ས་ཁུལ་གཙོས། ཨ་རིའི་གྲོང་ཁྱེད་དག་དང་ལྷག་པར་མང་གཙོ་ཚོགས་པས་བཟུང་བའི་གྲོང་ཁྱེར་དག་ལ་དམག་དཔུང་བཏང་རྐྱེན། མི་མང་པོས་ངོ་རྒོལ་བྱེད་བཞིན་པ་ལྟར། ཐེངས་འདིའི་གནས་ཚུལ་བྱུང་རྗེས། མང་པོ་ཞིག་གིས་དེ་ནི་འབྱུང་ཆོག་པ་ཞིག་ཡིན་པའི་རྣམ་འགྱུར་བསྟན། ཡིན་ན་ཡང་། ཚོགས་གཙོ་ཟུར་བ་ལྕམ་ནན་སེ་པི་ལོ་སི་ཡིས། དྲག་རྒོལ་འདི་ལ་ངོ་རྒོལ་དང་འདི་ནི་ངོས་ལེན་ཐུབ་པ་ཞིག་མིན་པ་བསྒྲགས།