དེ་རིང་ཞོགས་པར་ཡུ་དམག་གིས། རྒྱལ་སྤྱིའི་ཁྲོམ་རར་ལྐོག་ནས་རྡོ་སྣུམ་འདྲེན་མཁན། གྲིབ་གཟུགས་གྲུ་གཟིངས་སུ་འབོད་པ་ 2 ལ་གཏོར་རྒོལ་བྱས། ཡུ་དམག་གིས་ཅི་ཞིག་སྤྱད་ཟིན་པ་རེ་ཞིག་ཕྱིར་མ་བསྒྲགས་ནའང་། དེ་ནི་མཚོ་ཐོག་སྒྲི་རོན་དང་ཡང་ན་མཚོ་ཐོག་ཏུ་བཞག་པའི་འགད་རྫས་ཀྱིས་གཏོར་རྒོལ་བྱས་ཟིན་པ་ཚོད་དཔག་བྱེད།
གྲུ་གཟིངས་ཆེན་པོ་འདི་གཉིས་ནི་མིང་ལ་ M/T KAIROS ཞེས་པ་དང་། གཞན་ཞིག་དེའི་མིང་ལ་ M/T VIRAT ཡིན་པ་བཤད། གྲུ་གཟིངས་འདི་གཉིས་རཱ་ཤི་ཡའི་ཕྱོགས་སུ་ཡོང་བཞིན་པ་ལ། གཏོར་རྒོལ་ཐེབས་རྗེས་མཚོ་ནག་གི་ལྷོ་ཕྱོགས་ཀྱི་ཏུར་ཀེའི་ཕྱོགས་སུ་ཕྱིན་ཟིན་པ་བཤད། སྟེང་གི་མི་ཚང་མ་བསྐྱབས་ཟིན་ནའང་། གྲུ་གཟིངས་ལ་གཏོར་སྐྱོན་ཐེབས་པ་ཧ་ཅང་ཚབས་ཆེན་ཡིན་པས། མཚོ་ནག་གི་ནང་དུ་ནུབ་རྒྱུ་ཡིན་པ་(གཅིག་བྱས་ན་ད་ལྟ་ནུབ་ཟིན།)ཏུར་ཀེའི་ལས་བྱེད་ཚོས་བཤད།
འདིའི་རྗེས་ཡུ་ཁུ་རན་གྱི་དམག་དོན་གསང་བའི་ལས་ཁུངས་ཀྱི་དབུ་འཛིན། དམག་སྤྱི་བྷུ་རྡ་ནོ་ཝི་ཡིས། ང་ཚོས་གང་ཐུབ་ཀྱིས་རོགས་རམ་བྱེད་བཞིན་ཡོད། ཡིན་ན་ཡང་། ང་ཚོས་དུས་མཉམ་དུ་ཚང་མར་རོགས་བྱ་མི་ཐུབ། ང་ཚོས་རེ་རེ་དང་ཅུང་ཙམ་བྱས་ནས་རོགས་བྱ་ཆོག་ཅེས། རཱ་ཤི་ཡའི་སྟེང་ག་ལེར་གཏོར་རྒོལ་ཤུགས་ཆེ་རུ་གཏོང་རྒྱུ་ཡིན་པ་བཤད། རཱ་ཤི་ཡའི་གསར་ལམ་ཁག་གིས་ད་ལྟ་གནས་ཚུལ་བཀོད་པ་ལྟར་ན།སླར་ཡང་གྲུ་གཟིངས་གསུམ་པ་ཞིག་ལ་གཏོར་རྒོལ་ཐེབས་ཟིན་པ་བཤད།
དེ་དང་མཐུན་པའི་པར་ཡང་ཕྱིར་ཐོན། གཞན་ཡང་ཡུ་དམག་གིས། རཱ་ཤི་ཡའི་ཁི་ར་སི་ནོ་རྡར་ས་ཁུལ་དུ་ཡོད་པ། མཚོ་ནག་གི་རྒྱུད་ཀྱི་གྲུ་ཁ་ཆེ་ཤོས་ནོ་ཝོ་རོ་སེ་སི་ཀེ་(Novorossiysk Port)ལའང་གཏོར་རྒོལ་ཤུགས་ཆེན་ཐེབས་ཤིང་། གཏོར་རྒོལ་ཐེབས་ཟིན་པ་དག་བསྐྱར་གསོ་དཀའ་བ། རཱ་ཤི་ཡ་རང་གི་གསར་ལམ་གྱིས་གནས་ཚུལ་བཀོད། གཞན་ཡང་མདང་དགོང་གནམ་ཐང་སོགས་མང་པོར་གཏོར་རྒོལ་ཐེབས།འབྲེལ་ཡོད་གནས་ཚུལ་གཞན་དག་རྗེས་སུ་དགོད་རྒྱུ།