ཁ་སང་ཨེ་ཛི་རལ་གྱི་དམག་དཔུང་སེ་རི་ཡའི་ལྷོ་ཕྱོགས་ས་ཁུལ་གྱི་གྲོང་གསེབ་ཅིག་ཏུ་འཛུལ། དེར་དྲག་འཐབ་ཁྲོད་ཉུང་མཐར་མི་ 13 བསད་ཅིང་། འདིའི་ཁྲོད་བྱིས་པ་དང་བུད་མེད་ཀྱང་ཚུད་ཡོད་པའི་གནས་ཚུལ་ཐོན།
ཁ་སང་ཨེ་ཛི་རལ་གྱི་དམག་དཔུང་སེ་རི་ཡའི་ལྷོ་ཕྱོགས་ས་ཁུལ་གྱི་གྲོང་གསེབ་ཅིག་ཏུ་འཛུལ། དེར་དྲག་འཐབ་ཁྲོད་ཉུང་མཐར་མི་ 13 བསད་ཅིང་། འདིའི་ཁྲོད་བྱིས་པ་དང་བུད་མེད་ཀྱང་ཚུད་ཡོད་པའི་གནས་ཚུལ་ཐོན། ཨེ་ཛི་རལ་གྱི་གཞུང་གིས། གྲོང་གསེབ་འདིར་དྲག་སྤྱོད་པ་སྐུང་ཡོད་པ་དང་། ཁོ་ཚོས་ཨེ་ཛི་རལ་གྱི་ཕྱོགས་སུ་ཚུར་རྒོལ་བྱ་རྒྱུར་གྲ་སྒྲིག་བྱེད་བཞིན་པ་བཤད།
ཐེངས་འདིའི་འགུལ་བསྐྱོད་སྤེལ་ཡུལ་གྱི་གྲོང་གསེབ་འདི་ནི། ཨེ་ཛི་རལ་གྱི་དབང་བསྒྱུར་འོག་ཡོད་པའི་གྷོ་ལན་མཐོ་སྒང་དང་འདབས་འབྲེལ་ཡོད་པ་གསལ། འདིའི་ཁྲོད་ཨེ་ཛི་རལ་གྱི་དམག་མིའང་ 6 ཚབས་ཆེན་རྨས་ཟིན་པའི་གནས་ཚུལ་ཐོན། ལོ་སྔོན་མའི་མཇུག་ཏུ་སེ་རི་ཡའི་བྷ་ཤར་ཨ་སི་རྡིའི་སྲིད་དབང་མཇུག་བསྡུས་ཟིན་ནའང་། སེ་རི་ཡ་དང་ཨེ་ཛི་རལ་གྱི་འབྲེལ་བ་སྔར་བཞིན་བརྟན་པོར་བཟོ་མ་ཐུབ།