ལོ་སྔོན་མའི་ཨ་རིའི་སྲིད་འཛིན་འོས་བསྡུའི་སྐབས་ནས་བཟུང་།འབྱོར་ལྡན་ཨེ་ལོན་མ་སི་ཁི་མདུན་ལ་ཐོན་ཅིང་། སྐབས་དེའི་སྲིད་འཛིན་འོས་མི་སྒྲོ་ནལ་ཁྲི་རམ་ཕུ་ལ་རྒྱབ་སྐྱོར་ཤུགས་ཆེན་བྱས་ཤིང་།དེའི་རྗེས་སུ་མཇར་མན་གྱི་རྙིང་ཞེན་ཆབ་སྲིད་ཚོགས་པ་(AFD)ལ་རྒྱབ་སྐྱོར། གཞན་ཡང་དབྱིན་ཇིའི་ཆབ་སྲིད་ཁྲོད་ཀྱང་འཛུལ།
དེའི་རྐྱེན་པས། ཡུ་རོབ་ཀྱི་ཁྲོམ་རར་ཁོའི་གློག་རྫས་རླངས་འཁོར་ཏེ་སི་ལར་གྱོང་གུན་འཕོག་ཟིན་པ་དང་། ལྷག་པར་མཐར་སྒྲོ་ནལ་ཁྲི་རམ་ཕུ་དང་ཁོ་གཉིས་བར་ལའང་འགལ་ཟླ་ཤོར་ཟིན་པ་ལྟར། ཁ་སང་ཁོས། སྤྱིར་བཏང་ང་རང་ཆབ་སྲིད་ཁྲོད་འཛུལ་ཐེངས་རེར། མཇུག་འབྲས་ངན་པ་ཞིག་དང་བཅས་དེ་མཇུག་བསྡུས་འགྲོ་བ་ངས་ཧ་གོ་སོང་། དེར་བརྟེན་གང་ཐུབ་ཀྱིས་ཆབ་སྲིད་ལ་གཡོལ་རྒྱུ་དེ་རེད་ཅེས་བཤད།