ཉི་ཧོང་གཞུང་གིས། ཉི་ཧོང་གི་ཉིང་རྡུལ་གློག་ཁང་ཆེ་ཤོས་ཁཱ་ཤེ་ཝ་ཛ་ཀེ་ ཁཱ་རེ་ཝ་(Kashiwazaki-Kariwa)ཞེས་པ་བསྐྱར་དུ་སྒོ་འབྱེད་རྒྱུ་ཡིན་པ་ཐག་བཅད།
ཉི་ཧོང་གཞུང་གིས། ཉི་ཧོང་གི་ཉིང་རྡུལ་གློག་ཁང་ཆེ་ཤོས་ཁཱ་ཤེ་ཝ་ཛ་ཀེ་ ཁཱ་རེ་ཝ་(Kashiwazaki-Kariwa)ཞེས་པ་བསྐྱར་དུ་སྒོ་འབྱེད་རྒྱུ་ཡིན་པ་ཐག་བཅད། འདི་ནི་ནུས་པ་དང་འབྲེལ་གཞུང་གི་འགྲོ་གྲོན་སྙུང་ཆེད་དང་། ནུས་པའི་ཐད་ནས་ཕྱི་རྒྱལ་ལ་བརྟེན་རྒྱུ་ཉུང་དུ་གཏོང་ཆེད་ཡིན་པ་བསྒྲགས།
ལོ་སྔོན་མ་གཅིག་བུར་ཉི་ཧོང་གིས་བཤེར་ཁུར་བསྒྱུར་ཟིན་པའི་རླངས་རྫས་(LNG)དང་རྡོ་སོལ་ནང་འདྲེན་ཆེད། ཨ་སྒོར་ཐེར་འབུམ་ $68 བཏང་ཟིན་པ་གསལ། དེར་བརྟེན་ཕྱི་ལོ་ 2040 བར་ཉི་ཧོང་གིས། རྒྱལ་ཁབ་ཀྱི་ཉིང་རྡུལ་ནུས་པ་བརྒྱ་ཆ་ 20% ཡར་སྤར་འཆར་ཡོད་པའི་གནས་ཚུལ་ཐོན།
ཕྱི་ལོ་ 2011 ལོར་ཉི་ཧོང་དུ་ས་ཡོམ་ཚད་རིམ་ 9.0 ཅན་ཞིག་བྱུང་རྐྱེན། རྒྱ་མཚོའི་རྦ་རླབས་འཕྱུར་ཅིང་ཧྥོ་ཀོ་ཤེ་མ་ཉིང་རྡུལ་གློག་ཁང་ལ་ཆག་སྒོ་ཆེན་པོ་ཞིག་བྱུང་། འདི་ནི་ཕྱི་ལོ་ 1986 ལོར་ཡུ་ཁུ་རན་དུ་བྱུང་བ། ཆེར་ནོ་བྷེལ་ཉིང་རྡུལ་ཆག་སྒོའི་(Chernobyl)རྗེས་སུ་བྱུང་བའི་ཉིང་རྡུལ་ཆག་སྒོ་ཆེ་ཤོས་སུ་གྱུར།
དུས་དེ་ནས་བཟུང་ཉི་ཧོང་གིས། ཉིང་རྡུལ་ཆག་སྒོ་གསར་བ་ཞིག་ལ་གཡོལ་ཆེད། ཁོ་ཚོའི་ཉིང་རྡུལ་གློག་ཚུགས་ 54 ཚང་མ་སྒོ་བརྒྱབས། ཐེངས་འདིར་སྒོ་འབྱེད་རྒྱུའི་གློག་ཁང་འདི་ནི་བསྐྱར་དུ་སྒོ་ཕྱེ་པ་ཐོག་མ་དེ་འགྱུར་རྒྱུ།