ཁཱ་རེ་བྷེ་ཡན་མཚོ་རྒྱུད་དུ་ཡོད་པའི་ཨ་རིའི་དམག་དཔུང་གིས། གྲུ་གཟིངས་ཤིག་འཛིན་ཆེད། རྗེས་འདེད་གཏོང་བཞིན་པའི་གནས་ཚུལ་ཐོན་ཟིན་པ་ལྟར། ཨེ་བྷི་སི་གསར་ཁང་ལྟར་ན། ད་ལྟ་གྲུ་གཟིངས་འདི་ཨ་ཀྲི་ལན་ཀྲི་ཁི་རྒྱ་མཚོའི་ནང་ལ་བྲོས་ཟིན་པའི་གནས་ཚུལ་བཀོད།
བདུན་ཕྲག་སྔོན་མའི་གཟའ་སྤེན་པའི་ཉིན་ནས། ཁཱ་རེ་བྷེ་ཡན་མཚོ་རྒྱུད་དུ་ཡོད་པའི་ཨ་རིའི་དམག་དཔུང་གིས། གྲུ་གཟིངས་ཤིག་འཛིན་ཆེད། རྗེས་འདེད་གཏོང་བཞིན་པའི་གནས་ཚུལ་ཐོན་ཟིན་པ་ལྟར། ཨེ་བྷི་སི་གསར་ཁང་ལྟར་ན། ད་ལྟ་གྲུ་གཟིངས་འདི་ཨ་ཀྲི་ལན་ཀྲི་ཁི་རྒྱ་མཚོའི་ནང་ལ་བྲོས་ཟིན་པའི་གནས་ཚུལ་བཀོད།
ཁ་སང་ཡུ་རོབ་ཀྱི་གསང་བའི་ལས་བྱེད་ཅིག་གིས་ཨེ་པི་གསར་ཁང་ལ། ད་ལྟ་རཱ་ཤི་ཡའི་ཕྱི་སྲིད་ལྷན་ཁང་གིས། ཝེ་ནེ་ཛོ་ལ་རྒྱལ་ཁབ་ཏུ་ཡོད་པའི་ཁོ་ཚོའི་ཕྱི་འབྲེལ་ལས་བྱེད་དག་གི་ནང་མི་ཕྱིར་ལེན་བཞིན་པ་བཤད། ལས་འགུལ་འདི་བདུན་ཕྲག་སྔོན་མའི་གཟའ་པ་སངས་ཉིན་ནས་འགོ་བཙུགས་ཟིན་པ་དང་། རིམ་པ་དང་པོའི་ཁྲོད་བྱིས་པ་དང་བུད་མེད་དག་ཕྱིར་རཱ་ཤི་ཡའི་རྒྱལ་ནང་དུ་ལེན་བཞིན་པ་བཤད།
ཡིན་ན་ཡང་། དེ་རིང་རཱ་ཤི་ཡའི་ཕྱི་སྲིད་ལྷན་ཁང་གི་ཏར་འཕྲིན་སྟེང་། གནས་ཚུལ་འདི་རྫུན་མ་རེད་ཅེས་བཤད། དེ་དང་ལྷན་རཱ་ཤི་ཡའི་ཕྱི་སྲིད་བློན་ཆེན་སར་གྷེ་ལ་ཝི་རོ་ཡིས། ཝེ་ནེ་ཛོ་ལའི་དབུ་ཁྲིད་ཚོ་དང་ལྷན་ཁ་པར་བརྒྱུད་གླེང་མོལ་དང་། སྐབས་དེར་ཁོས། རཱ་ཤི་ཡའི་ངོས་ནས་ཝེ་ནེ་ཛོ་ལ་རྒྱལ་ཁབ་ལ་རྒྱབ་སྐྱོར་དང་། གདུང་སེམས་མཉམ་བསྐྱེད་ཡོད་ཅེས་བཤད། ཨ་རིའི་དམག་དཔུང་གིས། ཝེ་ནེ་ཛོ་ལའི་རྡོ་སྣུམ་སྐྱེལ་མཁན་གྲུ་གཟིངས་ 2 བཟུང་ཟིན་པ་ལྟར། རྡོ་སྣུམ་འདི་དག་ཨ་རིས་འཚོང་ཡང་སྲིད་ཅེས་སྒྲོ་ནལ་ཁྲི་རམ་ཕུས་བཤད།