ཡེ་ཤུ་འཁྲུངས་སྐར་དང་བསྟུན། ཨ་རིའི་མཁའ་དམག་གིས་ནཱ་རྗེ་རེ་ཡའི་ནུབ་བྱང་དུ་ཡོད་པའི་ཁ་ཆེ་དྲག་སྤྱོད་ཚོགས་པ་(ISIS)ཡི་སྟེང་གཏོར་རྒོལ་དྲག་པོ་བྱས་ཟིན་པ། སྲིད་འཛིན་སྒྲོ་ནལ་ཁྲི་རམ་ཕུས་བསྒྲགས།
ཉེ་དུས་ཨ་ཧྥེ་རི་ཀའི་རྒྱལ་ཁབ་ནཱ་རྗེ་རེ་ཡ་རུ་ཁ་ཆེ་ཚོས། ས་དེའི་ཡེ་ཤུ་མང་པོ་དམར་གསོད་བྱེད་བཞིན་པའི་གནས་ཚུལ་ཞིག་ཐོན་ཅིང་། ས་འདིའི་ཡེ་ཤུ་ཆོས་དཔོན་ཞིག་གིས། ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་དང་། རྒྱལ་སྲིད་དྲུང་ཆེའི་མིང་ཐོག་ལ་ཁོ་ཚོ་སྐྱོབ་དགོས་ཞེས་འབོད་སྐུལ་དྲག་པོ་ཞུས་ཟིན་པ་ལྟར། མདང་དགོང་ཡེ་ཤུ་འཁྲུངས་སྐར་དང་བསྟུན། ཨ་རིའི་མཁའ་དམག་གིས་ནཱ་རྗེ་རེ་ཡའི་ནུབ་བྱང་དུ་ཡོད་པའི་ཁ་ཆེ་དྲག་སྤྱོད་ཚོགས་པ་(ISIS)ཡི་སྟེང་གཏོར་རྒོལ་དྲག་པོ་བྱས་ཟིན་པ། སྲིད་འཛིན་སྒྲོ་ནལ་ཁྲི་རམ་ཕུས་བསྒྲགས།
ཁོས། ཐེངས་འདིར་གཅིག་བྱས་ན་དུས་རབས་མང་པོའི་རིང་མ་མཐོང་བའི་གཏོར་རྒོལ་ཞིག་ཨ་རིས་དམག་དཔུང་གིས་བྱས་ཟིན་པ་བཤད། སྒྲོ་ནལ་ཁྲི་རམ་ཕུས། གལ་སྲིད་དྲག་སྤྱོད་པ་ཚོས་ཡེ་ཤུ་བ་ཚོ་དམར་གསོད་བྱེད་རྒྱུ་མཚམས་མ་བཞག་ཚེ། ཁོ་ཚོས་དེ་ལ་གུན་གསབ་ཆེན་པོ་ཞིག་སྤྲོད་དགོས་པ་ངས་སྔར་ནས་ཉེན་བརྡ་བཏང་ཟིན། ངའི་སྲིད་གཞུང་གི་འོག་ནས། ཐལ་མཐའ་ལྷུང་བའི་ཁ་ཆེ་དྲག་སྤྱོད་པ་ཚོའི་མགོ་འགྱོགས་སུ་འཇུག་རྒྱུ་མིན། ད་ལྟ་ཤི་ཟིན་པའི་དྲག་སྤྱོད་པ་ཚོ་ཚུད་པའི་ཚང་མར་ཡེ་ཤུ་འཁྲུངས་སྐར་ལ་འཚམས་འདྲི་ཞུ། གལ་སྲིད་ཁོ་ཚོས་ཡེ་ཤུ་བ་ཚོ་དམར་གསོད་བྱ་རྒྱུ་འཚམས་མ་བཞག་ཚེ། གཏོར་རྒོལ་འདི་ལས་མང་བ་བྱ་རྒྱུ་ཡིན་ཞེས་བྲིས།