ཀེམ་དང་ཁོའི་བུ་མོ་གཉིས་ཀྱིས། ད་ལྟ་བཟོ་སྐྲུན་གྱི་བརྒྱུད་རིམ་དུ་ཡོད་པ། བྱང་ཀོ་རེ་ཡའི་ཉིང་རྡུལ་གྱི་ནུས་པར་བརྟེན་པའི་མཚོ་འོག་གྲུ་གཟིངས་ལ་ལྟ་ཞིབ་བྱེད་བཞིན་པ་ཡིན་ཞེས་པར་སྐོར་ཞིག་ཀྱང་བཀྲམས།
ཁ་སང་བྱང་ཀོ་རེ་ཡའི་དབུ་ཁྲིད་ཀེམ་ཇོང་ཨུན་གྱིས། གོ་ལག་དང་དམག་དོན་བཟོ་གྲྭར་ཞིབ་བཤེར་བྱེད་བཞིན་པའི་པར་སྐོར་ཞིག་གཞུང་འབྲེལ་ངང་ཕྱིར་བཀྲམས། འབྱུང་འགྱུར་ལོ་ངོ་ 5 ཡི་རིང་མུ་མཐུད་དུ་འཕུར་མདའ་བཟོ་སྐྲུན་ཡར་རྒྱས་གཏོང་རྒྱུ་ཡིན་པའི་བརྡ་བཏང་། ཀེམ་ཇོང་ཨུན་གྱིས། དམག་འཁྲུག་སྔོན་འགོག་ཆེད་འཕུར་མདའ་དང་། སྒྱོགས་མདེལ་བཟོ་རྒྱུ་ནི་ཧ་ཅང་གལ་ཆེན་རེད་ཅེས་བཤད་ཟིན་པ། གཞུང་འབྲེལ་གསར་ཁང་གིས་བསྒྲགས།
ཀེམ་ཇོང་ཨུན་གྱིས། རྒྱལ་ཁབ་ཀྱི་སྒྱོགས་མདེལ་དེང་རབས་ཅན་དུ་སྒྱུར་ཕྱོགས་དང་འབྲེལ། འཆར་གཞི་ཡིག་ཆའི་རག་ཟིན་ཞིག་ལོ་རྗེས་མའི་ལོ་འགོར་ཚོགས་རྒྱུ་ཡིན་པ། དམར་ཤོག་ཚོགས་པའི་ཚོགས་ཆེན་སྟེང་འཁྱེར་ཡོང་རྒྱུ་ཡིན་པ་གསལ། དེ་མ་ཟད་ཀེམ་དང་ཁོའི་བུ་མོ་གཉིས་ཀྱིས། ད་ལྟ་བཟོ་སྐྲུན་གྱི་བརྒྱུད་རིམ་དུ་ཡོད་པ། བྱང་ཀོ་རེ་ཡའི་ཉིང་རྡུལ་གྱི་ནུས་པར་བརྟེན་པའི་མཚོ་འོག་གྲུ་གཟིངས་ལ་ལྟ་ཞིབ་བྱེད་བཞིན་པ་ཡིན་ཞེས་པར་སྐོར་ཞིག་ཀྱང་བཀྲམས། དེ་ལྟར་ན་འདི་ནི་བྱང་ཀོ་རེ་ཡའི་ཉིང་རྡུལ་གྱི་ནུས་པར་བརྟེན་པའི་མཚོ་འོག་གྲུ་གཟིངས་ཐོག་མ་དེ་འགྱུར་དགོས།