༢༠༢༥/༡༢/༣༠ གཟའ་མིག་དམར།
རྒྱ་དཀར་ནག་གཉིས་ཀྱིས། ཕུ་ཀྲན་གྱི་སྡོད་གནས་ལ་གཏོར་རྒོལ་བྱས་ཡོད་མེད་ཐད་བློ་ཚབས་ཀྱི་རྣམ་འགྱུར་བསྟན་པ།
སྐར་མ་ 40 ཡི་སྔོན་དུ་རྒྱ་གར་གྱི་སྲིད་བློན་མོ་དྷི་ཡིས། རཱ་ཤི་ཡའི་སྲིད་འཛིན་གྱི་སྡོད་གནས་གཏོར་རྒོལ་དམིགས་འབེན་དུ་འཛིན་བཞིན་པའི་གནས་ཚུལ་དེའི་ཐད་བློ་ཚབས་ཆེན་པོ་བྱུང་། ད་ལྟ་འགྲོ་བཞིན་པའི་གྲོས་མོལ་ནི་དམག་འཁྲུག་འདི་མཚམས་འཇོག་དང་། ཞི་བདེ་སྐྲུན་རྒྱུའི་ལམ་ཀ་དངོས་ཡོད་དང་ཐག་ཉེ་ཤོས་དེ་རེད། ཕྱོགས་ཚང་མས་འདི་ལ་དམིགས་པ་གཏོད་རྒྱུ་དང་། གྲོས་མོལ་འདི་ལ་གནོད་པའི་ལས་མི་རྩོམ་རྒྱུར་ང་ཚོས་འབོད་སྐུལ་དྲག་པོ་ཞུ་བཞིན་ཡོད་ཅེས་བྲིས།
རྒྱ་ནག་ཕྱི་སྲིད་ལྷན་ཁང་གིས། ཕྱོགས་ཚང་མས་རྩ་དོན་གསུམ་འཛིན་རྒྱུར་ང་ཚོས་འབོད་སྐུལ་ཞུ་བཞིན་ཡོད། དང་པོ། རྙོག་གྲ་འདི་(དམག་འཁྲུག)རྒྱ་ཆེ་རུ་འགྲོ་རྒྱུ་སྔོན་འགོག གཉིས། ད་ལྟའི་གནས་སྟངས་སྡུག་ཏུ་གཏོང་རྒྱུར་གཡོལ་རྒྱུ། གསུམ། གནས་སྟངས་ཞི་འཇམ་དུ་དང་གྲོས་མོལ་གྱི་ཆ་རྐྱེན་སྐྲུན་ཆེད། གནས་ཚུལ་སྡུག་ཏུ་གཏོང་བའི་བྱ་སྤྱོད་དག་སྤེལ་མི་རུང་ཞེས་བཤད། ད་དུང་རྒྱ་ནག་གིས། གྲོས་མོལ་ནི་ཡུ་ཁུ་རན་གྱི་རྙོག་གྲ་མཇུག་བསྡུ་ཐབས་ཁོ་ན་དེ་རེད་ཅེས་བཤད།
ཕུ་ཀྲན་གྱི་སྡོད་གནས་ལ་གཏོར་རྒོལ་བྱས་ཡོད་མེད་ཀྱི་གནས་ཚུལ་སྐོར། དེ་རིང་ཞོགས་པར་རྒྱས་པ་བཀོད་ཟིན་པས་དེར་གཟིགས།