ཟླ་བ་འདིའི་ཚེས་ 3 ཉིན་ཝེ་ནེ་ཛོ་ལའི་སྲིད་འཛིན་མཱ་རྡུ་རོ་འཛིན་སྐབས། ཨ་རིའི་དམག་དཔུང་གིས་གསང་བའི་མཚོན་ཆ་ཞིག་བེད་སྤྱོད་བྱས་ཟིན་པའི་གནས་ཚུལ་སྔར་ནས་ཐོན་ཟིན་པ་ལྟར། སྲིད་འཛིན་སྒྲོ་ནལ་ཁྲི་རམ་ཕུས་ཐོག་མར་ནེའུ་ཡོག་ཆ་འཕྲིན་ལ་འདིའི་སྐོར་བཤད།
ཟླ་བ་འདིའི་ཚེས་ 3 ཉིན་ཝེ་ནེ་ཛོ་ལའི་སྲིད་འཛིན་མཱ་རྡུ་རོ་འཛིན་སྐབས། ཨ་རིའི་དམག་དཔུང་གིས་གསང་བའི་མཚོན་ཆ་ཞིག་བེད་སྤྱོད་བྱས་ཟིན་པའི་གནས་ཚུལ་སྔར་ནས་ཐོན་ཟིན་པ་ལྟར། སྲིད་འཛིན་སྒྲོ་ནལ་ཁྲི་རམ་ཕུས་ཐོག་མར་ནེའུ་ཡོག་ཆ་འཕྲིན་ལ་འདིའི་སྐོར་བཤད། ཁོས། མཚོན་ཆ་འདིའི་མིང་ལ་(DISCOMBOBULATOR ནང་དོན་ནི་མགོ་འཐོམ་བྱེད་བྱེད་ལྟ་བུ་ཞིག)ཞེས་ཡིན་པ་དང་། མཚོན་ཆ་འདིའི་སྐོར་ངས་བཤད་མི་ཆོག་ཅེས་བཤད།
ཁོས་མུ་མཐུད་དུ། ང་ཚོའི་དམག་དཔུང་གིས་ལག་མ་འགུལ་སྔོན་མཚོན་ཆ་འདིས། ཝེ་ནེ་ཛོ་ལའི་དམག་དཔུང་གི་ལག་ཏུ་ཡོད་པའི་རྒྱ་ནག་དང་། རཱ་ཤི་ཡའི་ཡར་ཐོན་མཚོན་ཆ་དག་འགུལ་རྒྱུ་མེད་པ་བཏང་ཟིན་པ་རེད་ཅེས་བཤད། སྒྲོ་ནལ་ཁྲི་རམ་ཕུ་ལྟར་ན། ཨ་རིའི་གསང་བའི་མཚོན་ཆ་འདིའི་རྐྱེན་པས། ཝེ་ནེ་ཛོ་ལའི་གནམ་སྲུང་མ་ལག་དག་ནུས་མེད་དུ་བཟོས་རྗེས།
ཨ་རིའི་དམག་དཔུང་གི་ཐད་འཕུར་གནམ་གྲུ་དག་ཝེ་ནེ་ཛོ་ལའི་རྒྱལ་སའི་ནང་དུ་འཛུལ་ཟིན་པ་བཤད།
འདིའི་ཐད་ཝེ་ནེ་ཛོ་ལའི་དམག་མི་ཞིག་གིས། གློ་བུར་དུ་ང་ཚོའི་གནམ་སྲུང་མ་ལག་དག་ནུས་མེད་དུ་གྱུར་སོང་། ཁོ་ཚོས་ཧ་ཅང་ནུས་པ་ཆེ་བའི་སྒྲ་རླབས་ལྟ་བུ་ཞིག་བཏང་སོང་། འདི་གང་འདྲ་ཞིག་ཡིན་པ་ངས་ཀྱང་འགྲེལ་བཤད་རྒྱག་ཐུབ་ཀྱི་མི་འདུག ངའི་མགོ་གས་བཞིན་པ་ལྟ་བུའི་ཚོར་བ་ཞིག་སྤྲད་སོང་ཞེས་བཤད། སྐབས་དེའི་གནས་ཚུལ་དངོས་མཐོང་མཁན་གྱིས་བཤད་ན། དམག་མི་ཚོའི་ཁ་ནས་ཁྲག་སྐྱུག་ཅིང་སྣ་ནས་ཁྲག་ཐོན། ཐང་ལ་འགྱེལ་ནས་ཡར་ལངས་ཐུབ་ཀྱི་མི་འདུག་ཅེས་བཤད།