ས་གནས་ཀྱི་སྔ་དྲོའི་ཆུ་ཚོད་ 11:00 ཡས་མས་སུ། རྒྱ་གར་བྱང་ཤར་གྱི་མཱ་གྷ་ལ་ཡ་མངའ་སྡེར་གཏེར་ཁ་བསྔོག་ས་ཞིག་ཏུ་གས་འཐོར་ཞིག་བྱུང་བས། གཏེར་ཁ་སྔོག་མཁན་གྲངས་ 18 རྐྱེན་འདས་སུ་ཕྱིན་ཟིན་པའི་གནས་ཚུལ་ཐོན།
གཟའ་ཕུར་བུའི་ཉིན། ས་གནས་ཀྱི་སྔ་དྲོའི་ཆུ་ཚོད་ 11:00 ཡས་མས་སུ། རྒྱ་གར་བྱང་ཤར་གྱི་མཱ་གྷ་ལ་ཡ་མངའ་སྡེར་གཏེར་ཁ་བསྔོག་ས་ཞིག་ཏུ་གས་འཐོར་ཞིག་བྱུང་བས། གཏེར་ཁ་སྔོག་མཁན་གྲངས་ 18 རྐྱེན་འདས་སུ་ཕྱིན་ཟིན་པའི་གནས་ཚུལ་ཐོན། འདས་པོ་ 18 ཀྱི་ཕུང་པོ་ལེན་ཐུབ་ཟིན་ནའང་། མྱུར་སྐྱོབ་རུ་ཁག་གིས་མུ་མཐུད་དུ་ས་སྐོ་བཞིན་པ་དང་། ད་དུང་ཡང་མི་འགའ་ས་འོག་ཏུ་ཤོར་ཡོད་པ་ཚོད་དཔག་བྱེད། གཏེར་ཁ་བསྔོག་ས་འདི་ཁྲིམས་འགལ་ཡིན་པ་གསལ།
རྒྱ་གར་གྱི་སྲིད་བློན་མོ་དྷི་ཡིས། འདས་པོ་ཚོའི་ནང་མིར་གདུང་སེམས་དང་བཅས། འདས་པོ་རེའི་ནང་མིར་གུན་གསབ་ཧིན་སྒོར་འབུམ་ ₹2 རེ་དང་། རྨས་སྐྱོན་བྱུང་ཟིན་པ་དག་གི་ནང་མིར་ཧིན་སྒོར་ཁྲི་ ₹5 རེ་སྤྲད་རྒྱུ་ཡིན་པ་བསྒྲགས། གཏེར་ཁ་བསྔོག་ས་འདི་ནི་མངའ་སྡེ་འདིའི་ལྟེ་བའི་གྲོང་ཁྱེར་ཤི་ལོང་ནས་སྤྱི་ལེ་ 72 ཡས་མས་ཀྱི་མཚམས་སུ་ཡོད་པ་གསལ། གས་འཐོར་དེ་ས་དུང་ནང་ངོས་སུ་བྱུང་ཟིན་པ་དང་། དེ་ནི་བྲག་སོགས་གཏོར་བྱེད་ཀྱི་འགད་རྫས་(dynamite)ཡིན་པ་ཚོད་དཔག་བྱེད།