ཁ་སང་ཀོ་ལིམ་བྷེ་ཡའི་སྲིད་འཛིན་གྷུ་སི་ཏ་ཝོ་ པེ་ཏི་རོ་(Gustavo Petro)ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། ཕོ་བྲང་དཀར་པོར་སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག
ཁ་སང་ཀོ་ལིམ་བྷེ་ཡའི་སྲིད་འཛིན་གྷུ་སི་ཏ་ཝོ་ པེ་ཏི་རོ་(Gustavo Petro)ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། ཕོ་བྲང་དཀར་པོར་སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག ཁོ་གཉིས་ཀྱིས་ཐེངས་འདིར་ཐུག་པ་དེ་ཡག་པོ་བྱུང་སོང་ཞེས་བཤད། ཡིན་ན་ཡང་། གནད་དོན་འགའི་ཐད་ཁོ་གཉིས་ཀྱི་བསམ་ཚུལ་མི་མཐུན་པའང་བཤད།
ལོ་སྔོན་མར་སྒྲོ་ནལ་ཁྲི་རམ་ཕུ་བསྐྱར་དུ་སྲིད་སྟེགས་སུ་སླེབས་རྗེས་ཀྱི་ཉིན་འགའི་ནང་། ཁོ་དང་ཀོ་ལིམ་བྷེ་ཡའི་སྲིད་འཛིན་བར་འགལ་ཟླ་ཤོར་ཞིང་། སྒྲོ་ནལ་ཁྲི་རམ་ཕུས། ཨ་རིའི་རྒྱལ་ནང་དུ་ཡིག་ཆ་ཚད་ལྡན་མེད་པར་འཛུལ་མཁན། ཀོ་ལིམ་བྷེ་ཡའི་མི་སེར་མང་པོ་ཕྱིར་ཕུད་ཐབས་བྱས་པར། གྷུ་སི་ཏ་ཝོ་ཡིས། འདི་ནི་འགྲོ་བ་མིའི་ཐོབ་ཐང་དང་འགལ་བ་ཞིག་ཡིན་ཚུལ་སོགས་བཤད།
མཐར་ཁོ་དང་སྒྲོ་ནལ་ཁྲི་རམ་ཕུའི་བར་དྲྭ་ལམ་བརྒྱུད་ཁ་འཛིང་ཐེངས་མང་ཤོར། ལོ་སྔོན་མའི་ཕྱི་ཟླ་ 9 ནང་གྷུ་སི་ཏ་ཝོ་ཨ་རིའི་རྒྱལ་ནང་དུ་ཡོང་རྒྱུར་ཆོག་མཆན་མ་སྤྲད་ཅིང་། སྒྲོ་ནལ་ཁྲི་རམ་ཕུས། ཀོ་ལིམ་བྷེ་ཡའི་གཞུང་གིས། ཨ་རིའི་རྒྱལ་ནང་དུ་ཁྲིམས་འགལ་སྐྱབས་བཅོལ་བ་དང་། ཉལ་ཐ་འཛུལ་རྒྱུར་མཐུན་མགྱུར་སྦྱོར་བཞིན་པ་དང་། ཨ་རིས་འདི་ལ་དམག་དཔུང་ཚུན་བཀོལ་ནས་ལན་བསློག་སྲིད་པ་བཤད།
རྒྱལ་ཁབ་འདིར་བྱང་ཨ་རིའི་ཁུལ་དུ་ཉལ་ཐ་འདྲེན་མཁན་གྱི་ནག་ཚོགས་མང་ཞིང་། རྒྱལ་སྤྱིའི་ཉལ་ཐ་ཁོ་ཁེན་(cocaine)གྱི་བརྒྱ་ཆ་ 68% ཡས་མས་ཤིག་རྒྱལ་ཁབ་འདི་ནས་ཡོང་བཞིན་པ་གསལ། སྒྲོ་ནལ་ཁྲི་རམ་ཕུས། ལྷོ་དང་དབུས་ཨ་མེ་རི་ཀའི་གླིང་དུ་ཤུགས་རྐྱེན་རྒྱ་བསྐྱེད་ཁྲོད། ཀུ་པ་དང་ཝེ་ནེ་ཛོ་ལ། ཀོ་ལིམ་བྷི་ཡ་གསུམ་ནི་ཐོག་མར་གདོང་ཐུག་རྒྱག་ས་དེ་གྱུར།